Die Onsigbare Misdaad

deur Annelise
 
Ek wil ek julle vertel van ‘n “tipe” slagoffer waaroor niemand omgee nie. Daar is nie wette wat hom/haar beskerm nie, daar is nie ondersteuningsgroepe nie. Dit sal seker meer korrek wees om te sê dat ek julle wil vertel van ‘n misdaad, met sy oortreders/misdadigers asook sy slagoffers waarvan die meeste mense nie eens bewus is nie.
 
Ek weet daarvan omdat ek al meer as tien jaar lank daagliks met die slagoffers te doen kry. As jy by ‘n krisis-sentrum werk kom jy in aanraking met verkragtingsslagoffers, as jy ‘n sosiale werker is kom jy in aanraking met slagoffers van gesinsgeweld, as jy ‘n polisieman is kom jy in aanraking met slagoffers van moordenaars en as jy ‘n politikus is kom jy in aanraking met slagoffers van apartheid. As jy erotiek skryf en ‘n seksuele webwerf bedryf, kom jy in aanraking met die slagoffers van wat ek hier “passiemoord”” sal noem.
 
Die slagoffers van hierdie misdaad (want dit is wat dit is) is mans sowel as vroue en net soos ander slagoffers gaan hulle nie maklik self uitkom nie. Iemand moet namens hulle dit doen en dis waarom ek vandag hierdie skryf.
 
Ek sal elke aspek van die misdaad hier uitpak:
 
Passiemoord (my woord, want as niemand oor iets praat nie dan bestaan daar nie ‘n woord daarvoor nie) is wanneer iemand hulle man/vrou/metgesel in ‘n sekslose verhouding gevangene hou. Die seksloosheid is die misdaad – dis die deel wat skade aanrig. Dit gebeur in ons land en spesifiek in die “kultuur” (Afrikaans, wit en Christelik) waarin ek myself die meeste bevind. Dit het duisende slagoffers. Baie duisende.
 
Lees jy nog, of het jy besluit dis nie so erg nie? Dis tog nie dieselfde as verkragting of moord nie?
 
Ek sal argumenteer dat dit net so erg is omdat dit aspekte van daardie bevat. Jy hi-jack en steel iemand, ‘n persoon.
 
“Seks is nie ‘n hele persoon nie” of “jy is meer as net jou seksuele begeertes” of “’n verhouding bestaan uit meer as seks” kan jy antwoord, maar jy sal verkeerd wees.
 
Want dis nie net seks nie, dit impliseer soveel meer. En jy moes tog sekerlik al gehoor het dat seks nie alles is in ‘n huwelik nie, behalwe as dit die probleem is. Dan is dit alles.
Seks en ‘n seksuele verhouding met jou geliefde is een van die heerlikste aspekte van die mens se bestaan. Dis natuurlik en dis een van die sterkste drange wat jy die grootste deel van jou lewe sal ervaar. Dit bring jou nader aan jou maat, dit laat jou begeerlik en geliefd voel wat jou weer selfvertroue gee, dis goed vir jou gesondheid, dis lekker, dit skep intimiteit tussen julle, dis mooi, dis nodig vir lewensvreugde, dit help vir stress.
 
Al daardie dinge steel jy by jou maat. Jy maak sy/haar lewe ‘n grys afgewaterde, passielose, gefrustreerde, eensame, liefdelose, arm weergawe van wat dit beteken om mens te wees.
 
Jy – die misdadiger – doen dit net soos ‘n vroueslaner aan die persoon vir wie jy kamstig die liefste is.
 
Kom ons kyk hoe ‘n tipiese misdadiger haarself sal verweer. Eerstens kan hulle nooit verby die balk in hulle eie oë sien nie. Die ander is altyd verkeerd. Seks is vuil en verkeerd en om dit te begeer beteken dat daar iets fout is met die een wat dit vra. Net presies soos met ander misdadigers het hulle verskonings vir hulle gedrag en die hartseerste van alles is dat dit gewoonlik hulle slagoffers is wat die verskoning namens hulle opper: “Sy het maar ‘n slegte selfbeeld, sy voel bedreig, hy is baie gelowig, sy ouers het dit veroorsaak, sy het ‘n slegte ondervinding gehad …”
 
Moordenaars en verkragters en vroueslaners het ook verskonings – ons verwag wel van hulle om nie daarvolgens op te treë nie.
 
“Maar oortreders doen dit mos gewoonlik vanuit ‘n plek van mag, en hoe het ‘n vrou in ons land en in ‘n huwelik nou eintlik mag?” vra jy.
 
Hulle gemeenskap gee vir hulle daardie mag. Wanneer dit by seks kom in die Afikaanse, behoudende, Christelike omgewing het vroue al die mag, juis omdat hulle gemeenskap aan hulle kant is. Dis verskriklik maklik om jou eggenoot seksloos en gevangene te hou, juis omdat die onderwerp seks is en ons mense steeds groot probleme daarmee het. So jy is alreeds halfpad “onskuldig” en die slagoffer is alreeds halfpad “skuldig” net omdat dit die onderwerp is. (Klink dit nie soos ander seksuele misdade nie?) Die een wat seks vra voel altyd so bietjie vuil en skaam en ongebalanseerd om dit te vra. Preuts en “ordentlik” en kuis word hoër aangeslaan as passievol en sexy en lus. Jy kan met jou predikant (of sy vrou) of jou vriendinne gaan praat oor jou man te veel seks wil hê, maar nie oor jou man/vrou jou niks gee nie.
 
Jy beheer hom met die kinders, want die meeste mans wil nie hulle kinders verloor nie. Die meeste mans wil ook nie hê dat hulle kinders moet dink hulle is die varke in die verhaal nie – en die seksuele ene is altyd mos die vark. En as dit ‘n vrou is wat die seks begeer, dan is dit net soveel erger, omdat ‘n vrou wat meer seks as haar man wil hê mos duidelik hiper-sexed is en iets fout is met haar. En as dit ‘n vrou is dan beheet jy haar dikwels deur die feit dat sy nie sonder jou finansieël kan oorleef nie.
So hulle bly in daardie huwelik. In daardie tronk. Jy beheer hom met sy werk, met sy familie, sy aansien, jou “liefde” en op die wreedste manier van alles; die belofte van miskien vanaand wat nooit realiseer nie.
 
Dis ook waarom die slagoffer nie na vore kom nie – hy/sy gaan geoordeel word eerder as die misdadiger, want dis mos hoe sulke dinge werk?
 
Dis ‘n vorm van diefstal. Jy steel haar jeug, sy jongmenspassie en lus, haar begeerlikheid wat niemand waardeer nie. Jy steel ‘n drang, ‘n ervaring, ‘n sekere belewenis van jouself. Eendag gaan daardie vuur ophou brand, maar die bitterheid teenoor jou sal nie.
 
Dis ‘n vorm van mishandeling. Iemand in so huwelik openbaar dieselfde soort kenmerke as iemand wat in ‘n huwelik is waar hulle geslaan word.
 
Dis ‘n vorm van boelie, jy doen dit net met die ondersteuning van die absolute afwykende gemeenskap waarin ons leef. Jy doen dit met die ondersteuning van predikante wat steeds verkondig dat seks vuil en verkeerd en sondig is – veral homoseksuele seks. Jy doen dit met die ondersteuning van die mamma’s wat skinder oor die mamma met die kort rompie of los hare, jy doen dit wanneer jy as man updates doen wat kla oor vroue wie se profielfoto’s te veel cleavage wys (en dan doen jy dit as jy een van die honderde vroue is wat so man prys omdat hy so ‘n ordentlike man is), jy doen dit met die ondersteuning van jou vriendinne wat issues het oor seks.
 
Ongelukkig is hierdie nog steeds nie die hele prentjie nie. Ek is bewus van hierdie misdaad omdat jy nie net tevrede is om jou geliefde se liggaam te beroof nie, jy wil elke stukkie seksualiteit wat daar enigsins nog mag oorleef ook vernietig.
 
So hy mag nie porn kyk nie en jy noem ALLES porn (weereens is jou gemeenskap aan jou kant), sy mag nie haarself bevredig nie, hy mag nie webwerwe besoek waar hy ‘n kaal bors kan sien nie, hy mag nie ‘n erotise storie lees nie. Al daardie dinge word ook verbied en jou Here help hom as jy hom uitvang dat hy wel so iets doen.
 
En jou Here help natuurlik ook die persoon of instansie waarop jy dan daardie gevoel dat jy verraai is, gaan uithaal. Die balk in jou oog, is dat jy die verraaier is. Jy verraai die beloftes wat jy gemaak het toe jy getroud is, jy verraai jou liefde, jou geliefde.
 
Mans en vroue praat al tien jaar met my oor seks en oor hulle omstandighede. Ek weet waarvan ek praat. Hierdie misdaad het ‘n slagoffer. Hierdie slagoffers kan net nie ontsnap om self hulle stories te vertel nie.
 
Dan sal ek dit maar namens hulle doen, en aanhou doen.
Die hartseerste sinnetjie wat ek nog gehoor het? “Ek is al lankal nie meer lief vir haar nie, ek bly maar sodat my kinders nie sleg dink van my nie.”
Volg Kombiekiehier op sosiale media:

37 thoughts on “Die Onsigbare Misdaad

  • Oct 22, 2018 at 10:53 am
    Permalink

    Annelise: Baie dankie vir die stuk wat jy geskryf het. Kan jy dit asseblief vir email. J

    Reply
  • Oct 21, 2018 at 9:56 pm
    Permalink

    Skiiterend Annelise! Baie dankie! Het jy al gelees oor a-seksualiteit. Dis ‘n realiteit groter as wat ons besef. Kyk gerus na die website http://www.asexuality.org.

    Reply
    • Oct 21, 2018 at 10:03 pm
      Permalink

      Ek het en ek weet daarvan ja. Maar soos ek vir iemand op my fb page (by hierdie selfe skrywe) gesê het, my concern hier is mense wat soms ook onder hulle ly. Die a-seksuele persoon het nie die reg om die ander ene te dwing om a-seksueel te wees nie? En dis ook ‘n groot minderheid? Waarom moet dit die meerderheid se “probleem” word? Ek dink a-seksuele mense moet eerlik wees en buite-die-kassie dink oor hoe hulle hulle partners se behoeftes kan bevredig of nie in verhoudings wees nie?

      Reply
    • Oct 21, 2018 at 10:09 pm
      Permalink

      En ook: my cause is juis seksualiteit – die voortbestaan en vieringg daarvan. So a-seksual mense sal nie regtig aanklank daarby vind nie.

      Reply
  • Oct 21, 2018 at 7:24 pm
    Permalink

    Uitstekende artikel Annelise. Jy het beslis ‘n gawe om te skryf. Dit is nie net die inhoud wat uitstekend is
    nie maar die manier waarop jy dit bewoord. Onverbeterlik. Ek stem saam dat dit in die hoofstroom media gepubliseer moet word. Veels geluk!!!

    Reply
  • Oct 19, 2018 at 9:50 am
    Permalink

    Annelise, met hierdie stuk het jy net weer my behoefte bevestig om passie met iemand te deel wat dit ook geniet en waardeer. Ek soos jy hier beskryf het, is daar duisende wat in dieselfde “tronk” aangehou word. Ek sou wat wou gee om dit te deel.

    Reply
    • Oct 19, 2018 at 11:36 am
      Permalink

      mydream – ek neem aan jy wil dit deel sonder dat dit wys dit kom van hierdie site af? Anders kan jy net die link vir iemand stuur, want die site is mos oop? Anders kan ek dit vir jou mail of jy sal dit ook op my fb profiel kry – dis op “public” gestel sodat mense wat nie met my vriende is nie dit ook kan sien. 🙂

      Reply
  • Oct 18, 2018 at 12:38 pm
    Permalink

    Goed dat jy hierdie onsigbare euwel bietjie ontbloot. Ek was self in so ‘n situasie en tydens raadpleging met ‘n huweliksberader het die persoon my sonder skroom die vark in die verhaal gemaak omdat ek graag gereelde met my geliefde seks wou he.
    Gelukkig kom ek die berader se valsheid uitwys deur aan te haal uit ‘n boekie wat sy geskryf het waarin sy seks as die “sement tussen die boustene van die huwelik” beskryf.
    Mooi woorde geskryf, dalk omdat sy tydens navorsing vir die boekie besef het wat die natuurlike waarheid is, MAAR teenoorgestelde woorde geuiter tydens berading omdat haar ware orientasie is dat seks net vir voortplanting bedoel is. Wat ‘n “Joke” is/was die berader nie ….

    Reply
    • Oct 18, 2018 at 2:01 pm
      Permalink

      Dis vreeslik! Maar ek onthou nou skielik dat ek ook eendag by so sielkundige “beland” het wat dit net nie kon regkry om my “probleem” te verstaan nie omdat sy nie uit haar eie eng kassie kon dink nie. Sulke mense moenie naby ander mense toegelaat word nie, nog minder mense wat na hulle toe kom vir hulp! 🙁

      Reply
    • Oct 18, 2018 at 4:25 pm
      Permalink

      Tomcat! 😊 Want blosend lus.

      Reply
      • Oct 18, 2018 at 4:52 pm
        Permalink

        Kom ons maak die hand brieke los after all leef ons net een keer!!

        Reply
  • Oct 17, 2018 at 1:54 pm
    Permalink

    Onse Edeldierbare moet hiervoor beslis n doktorsgraad kry, in een skryfstuk het sy nou gou gou my siele wroegings van n klomp jare saam gevat.
    Ek het ook een vraag, hoekom dink soveel vrouens om seks buite ‘n huwelik of verhouding te he, gaan hulle in iets slegs laat verander?
    Annelise absoluut uiter puik werk – vreeslik baie dankie.

    Reply
  • Oct 17, 2018 at 8:44 am
    Permalink

    Anneliese, jy’s briljant.
    Hierdie onderwerp moet ook in die Afrikaanse hoofstroom media deeglik bespreek word.
    Die magswanbalans is skrikwekkend en geen mens behoort ‘n halflewe te ly nie.
    Want lus. Want lewe.

    Reply
    • Oct 18, 2018 at 12:28 pm
      Permalink

      Ek is bly om te sien Blos voel so sterk oor hierdie saak. Kan ons ‘n alliansie van ‘n soort aangaan om hierdie misdaad van weerhouding te beperk ?

      Reply
  • Oct 17, 2018 at 8:43 am
    Permalink

    Anneliese, jy’s briljant.
    Hierdie onderwerp moet ook in die Afrikaanse hoofstroom media deeglik bespreek word.
    Die magswanbalans is skrikwekkend en geen mens behoort ‘n halflewe te ly nie.
    Want lus. Want ewe.

    Reply
  • Oct 17, 2018 at 8:01 am
    Permalink

    Annelise, jy’s briljant.
    Hierdie onderwerp moet ook in die Afrikaanse hoofstroom media deeglik bespreek word.
    Niemand mag gedwing word om ‘n halflewe te ly nie.
    Jy’s my held.
    Want lus.

    Reply
  • Oct 17, 2018 at 6:18 am
    Permalink

    Briljant gestel Annelise.
    Baie dankie

    Reply
  • Oct 16, 2018 at 9:39 pm
    Permalink

    Jy’s ‘n yster, goeroe, ‘n profetes, ‘n muse ‘ n hoer, ‘n koningin, ‘n skepper, ‘n planter, ‘ n sanger
    ‘n vrou. Heeltemal vrou.

    Reply
    • Oct 16, 2018 at 9:42 pm
      Permalink

      * bloos myself in ‘n toestand in 🙂 Dankie Ramkat xx

      Reply
    • Oct 17, 2018 at 10:28 am
      Permalink

      Jy’s al hierdie dinge Annelise en wanneer jy die heerlikheid en eerlikheid van seks besin en promoveer, laat jy my ook volkome vrou voel.
      Dankie Ramkat dat jy al hierdie mooi dinge in Annelise en vroue raaksien.

      Reply
      • Oct 17, 2018 at 11:45 am
        Permalink

        Baie dankie. Blos. Dankie aan almal van julle. xxx

        Reply
  • Oct 16, 2018 at 7:17 pm
    Permalink

    Dit is n behoorlike slag met woorde. Party mense het beslis n gawe om dinge van die hart oor te vertel in woorde. Goed geskryf. Dankie Annelise

    Reply
    • Oct 16, 2018 at 7:21 pm
      Permalink

      🙂 dankie

      Reply
  • Oct 16, 2018 at 5:47 pm
    Permalink

    Dit is een van die redes hoekom SA se egskeiding syfer so astronomies hoog is…..
    Jy kan net so lank uithou in n liefdelose huwelik..

    Reply
    • Oct 16, 2018 at 6:27 pm
      Permalink

      Of seksloos. Vir daardie soort misdadigers is dit nie dieselfde ding nie.

      Reply
  • Oct 16, 2018 at 4:42 pm
    Permalink

    Dankie Annelise….soos hierbo genoem….jy praat vir duisende! Hoop al die lede van die dunlip brigade lees die insetsel.

    Reply
  • Oct 16, 2018 at 3:19 pm
    Permalink

    ‘n Puik bydrae!
    Net jammer dat die persone wat dit behoort te lees NOOIT hierdie werf van ons sal besoek nie ! !
    Dankie Annelise, jy het ons almal se siening daaroor ge-eggo. Dalk is sommige van ons “self” in so’n web vasgedraai?

    Reply
    • Oct 16, 2018 at 3:21 pm
      Permalink

      Hulle besoek wel die werf omdat hulle opcheck op hulle “geliefdes” en ook hulle vyand wil ken. Ek het dit wel ook op fb gedeel waar ek die post openbaar gemaak het.

      Reply
  • Oct 16, 2018 at 3:07 pm
    Permalink

    Ek ken verseker n paar mense aan wie ek die artikel sal wil stuur. En dan wil ek graagbin hulle koppe klim en kyk wat daar aangaan terwyl hulle dit lees

    Reply
    • Oct 16, 2018 at 3:10 pm
      Permalink

      Ek ook. Mans en vroue nogal. Ek kan al net soos by die 911 monument ‘n lys van hierdie soort slagoffers maak. Dis ook waarom ek nie sommer net uit beginsel dink iemand wat ‘n affair het is verkeerd nie.

      Reply
      • Oct 16, 2018 at 4:28 pm
        Permalink

        Verseker ja. Dis in elk geval nie my plek om enige iemand te oordeel nie. As ek nie in jou skoene staan nie….

        Reply
  • Oct 16, 2018 at 2:49 pm
    Permalink

    En weer ‘n keer doen ons muse die regte ding!
    My hart gaan uit na almal, en ook na myself!
    Dankie vir jou stem, wat almal van ons se fluisterings laat weergalm!
    Dankie dat jy opstaan, wanneer almal van ons wat wil opstaan, liewers bly sit.
    Dankie vir jou standpunt!

    Reply
    • Oct 16, 2018 at 2:52 pm
      Permalink

      😢 #passiemoord

      Reply
  • Oct 16, 2018 at 2:42 pm
    Permalink

    Hierdie is uitstekend geskryf A! Dit moet as n artikel in n bekende Sondagkoerant geplaas word vir die nasie om te lees en om vir A dadelik naam te maak!!

    Reply
  • Oct 16, 2018 at 2:23 pm
    Permalink

    Sjoe jy praat die waarheid so reguit. Die is sekerlik die moeilikste om waar te neem, dink dit grens ook aan emosionele verkragting. Dit is vernietigend. Dankie vir die ware woorde en insig

    Reply

Leave a Reply

Your email address will not be published.

error: Kontak ons as jy iets van Kombiekiehier wil hou vir jouself. ;)