Huweliksberading
deur Nienkster
Sjoe, maar het hierdie blog nou sommer dinge kom wakker maak wat ek al vergeet het bestaan! Veral as jy nou ‘n getroude vrou is wat haar nie juis onkuis mag gedra nie… Ek het op ‘n dag ‘n man deur gemeenskaplike vriende ontmoet wat ‘n restauranteienaar is. Ons het net aangesit vir ontbyt toe hy hom aan my kom voorstel. My man was gelukkig aan’t werk by sy winkel onder in die straat. Die man, kom ons noem hom Adoons, wou dringend weet wat my verjaardag datum, dag en jaar is. Ietwat uit die veld geslaan, maar nogtans gevlei het ek hom vertel. Hy het onmiddelik gaan sit en diep in my oë gekyk en vir my dinge van myself vertel wat ek nooit aan myself wou erken nie. Hy het aangebied om my te help met die dinge in my lewe waarmee ek vasbrand en gevra dat ek hom alleen kom sien.
Mmmm… Maar nee, dis nog nie wat julle dink nie! Op daardie stadium was ek soos ‘n lammetjie wat na die slagpale gelei word. Vier maande later het ek eers kans gekry om hom te gaan sien. Ek het op daardie stadium ernstig begin rondkyk vir eksterne plesier. Kyk, ek is as Dopper grootgemaak, maar die vet weet wie het nou die reëls gaan staan en maak dat daar net een man vir een vrou is. Goeiste, dis nogal ‘n ‘tall order’ vir een mens om alles te wees wat ‘n ander nodig het. En so ook in my huwelik waar my sagte, introvert man nou nie juis so opwindend soos ek oor dinge dink nie. Dus my tweede afspraak met Adoons.
Ek het gedink hy gaan my dalk help om my persoonlike dinge te verwerk om ‘n beter vrou te kan wees. Helaas, my boude het skaars die stoel geraak of hy begin vir my vertel (steeds nou na aanleiding van my geboortedatum – een of ander astrologiese, Chinese metode) dat ek maklik ‘n paar affairs sal kan hê en gelukkig getroud kan wees. Nodeloos om te sê, ek was sprakeloos. Maar ek het dit nog altyd geweet, net nog nooit aan enigiemand erken nie, die skande! Ek het hom reguit terug in sy baie, baie mooi blou oë gekyk en gese: “Ek weet.”
Hy het ‘n paar aanbevelings gemaak soos om deur die dag met myself te speel in die publiek. Dit sou my help om meer feromoon af te skei, en mans soos magnete aan te trek, insluitend my eie man. Ons is almal nog steeds eintlik net wilde diere, sodra ‘n man feromoon ruik is hy daar en dan op aandag! Hy het ook kegel oefeninge voorgestel. Hy het my sommer net daar verduidelik wat dit is en na ‘n rukkie van probeer het hy gesê: “As jy nou baie stout wil wees kan ek gou in die badkamer gaan voel of jy dit reg doen…”
Ek het my koffie in een slag ingesluk, gesê ek sal daaroor dink en gevlug. Ek het darem my nommer gelos nadat hy gevra het dat hy my wil uitneem en bederf. Maar ek kon nie ophou om daaraan te dink nie. En ek het geweet hy dink aan my. Hy het telkemale al vir my gesê ek is sexy en verleidelik.
Twee baie lustige dae later het ek die boodskap gekry: Daardie aand by ‘n boetiek kroeg in Stellenbosch. Ek was so opgewonde soos ‘n klein dogtertjie. Wat sou die aand inhou? Wat is hierdie man besig om aan my te doen? Die aand 18:30 stap ek by die ontmoeting in en word gegroet deur ‘n: “Jy is so sexy en aantreklik.”
Terwyl ek bloos het hy vir my ‘n glas borrels bestel. Dis al wat hy drink, baie daarvan. Dit was soos om huis toe te kom na ‘n ou pel, die geselskap was heerlik en warm maar die LUS, o wee! Hy het verduidelik dat hy my op twee maniere gaan help. Eerstens gaan hy my help om my huwelik te red. En tweedens gaan ek en hy wilde seks hê om dit reg te kry. Ek was reg oorkant hom in ‘n leunstoel en die man het net daar en dan aan my begin vroetel. Sonder dat enigiemand agterkom, maar al dringender. Ek het naderhand net agteroor geleun met my oë toe en moes alle selfbeheersing gebruik om nie kliphard te kreun nie. Hy het opgestaan en na die badkamer geloop en my instruksies gegee om hom na twee minute te volg. Gaan iemand ons sien? Waarmee is ek besig?! En die grootste vraag van alles: hoekom voel ek eenhonderd present GLAD NIE skuldig nie?! Ek weet nie hoe my bene my tot in die badkamer gekry het nie, maar toe ek instap was hy daar. Styf word ek teen die muur vasgedruk, sy hande is oral, sy tong begin met my speel. My klere is weg, ek het net my baie sexy, kniehoogte boots aan. Dis soos ‘n vloedgolf, ek kan myself nie meer keer nie, die plesier is oorweldigend. Ek gryp sy hare vas en stuur hom terwyl ek elke oomblik probeer om nie uit te skree van plesier nie. Die volgende oomblik is hy regop en ek begin rondvoel na wat ek mee kan speel… Die oomblik wat ek raakvat is dit of my oë vir die eerste keer oopgaan, so iets het ek nog nie gesien nie, so groot, so VOL! Die volgende oomblik word ek opgetel teen die muur en hy is binne my. En nie hoe nie. Elke wand, elke senuwee punt word geraak, gestreel, gemasseer…. Nou ja, die res hou ek vir myself! Al wat ek kan sê is dat my gewoonlike passiewe man my binne ‘n uur gegryp het nadat ek tuis aangekom het. Miskien was dit die feromoon? Maar ek sal julle volgende keer vertel van my tweede afspraak met Adoons… Ek kan nie meer wag nie!