Daar is ‘n Telegram geselsgroepie waaraan lede wat vir Kombiekiehier Vreesloos (ook) ingeskryf is kan behoort. Ek sê spesifiek Vreesloos ook omdat die fotos wat daar gedeel word soms rof is. 😉 Beslis meer as net kaal tieties.
Kontak my gerus by kombiekiehier@gmail.com as jy wil hê ek moet jou daar gaan byvoeg.
Lus en liefde.
Annelise
Liewe Kombiekiehierleser,
Ek wil dikwels met jou iets oor seks deel wat ek op die interwebs en allerhande donker plekke raakloop, maar dis in Engels en Kombiekiehier is Afrikaans en ek het nie tyd om alles te vertaal nie. So ek het besluit om ‘n uitsondering te maak. Ek gaan een kategorie oophou wat ook Engels gaan wees. Dit gaan meestal eintlik uit “links” bestaan wat jy na kan volg na ‘n ander website toe waar die oorspronklike artikel sal lê. As jy dit gaan soek sal dit onder “seksnuus” onder “sapio-seksueel” onder die menu wees. Sapio-seksueel beteken om lus vir iemand te wees omdat hulle intelligensie jou aandraai. Onder daardie opskrif sal jy alles kan opspoor waat die intellek en die seksuele mekaar op Kombiekiehier ontmoet. 🙂
Ek dink ons sal in die kommentaar dalk ook lekker oor sommige van die nuus kan gesels. Of in Gemeenskap waar daar baie meer gedoen word as net gesels. 😉
Die eerste artikel wat ek met julle wil deel handel oor ‘n studie wat bewys het dat vroue dikwels welwillende seksistiese mans verkies bo egalitariese mans.
Lees HIER as jy meer wil weet of kliek op die breinprentjie hieronder. 🙂
Hoeveel keer hoor julle mense kla omdat daar niks nuuts op die Afrikaanse musiektoneel gebeur nie? Hoeveel nuwe “boob en boude” liedjies gaan ons nog na luister wat nie sexy of prikkelend is nie, maar wat op Jakaranda en Pretoria FM gespeel mag word? Is dit nie tyd dat die sensuele grense van Afrikaanse musiek ook so bietjie uitgedaaag moet word soos ons die grense van die Afrikaanse leser uitdaag nie?
Ek onthou toe ek Kombiekiehier begin het, wou ek ‘n afdeling vir sexy, sensuele, prikkelende, slim Afrikaanse liedjies maak. Ek kon omtrent geen opspoor nie – en ek het orals gesoek. Gaan kyk gerus onder die kategorie – dis al wat ek kon kry.
As gevolg van ‘n opwindende voorstel deur een van ons bekendste alternatiewe musikante, het daardie prentjie nou verander. 🙂
Musiek vir die Maangodin is die eerste erotiese Afrikaanse album. Dis music to make love by en dis opwindend en nuut en sexy en al daardie goed wat nie voorheen in ons taal beskikbaar was nie.
As jy enigsins beindruk is met wat jy nou gaan hoor, ondersteun en deel dit, asseblief? Ons gaan nie mense kan oortuig om grense te verskuif as hulle nie bewus is van ander opsies nie. En mense gaan ook nie nuwe genres skep as niemand daardie nuwe produkte ondersteun nie. Dis presies wat die probleem eintlik is. Koop vir jou geliefde Musiek vir die Maangodin vir Valentynsdag. Jy sal bly wees jy het. 🙂
Jy kan HIER meer gaan lees oor almal wat by die projek betrokke is en ook die lirieke daar kry.
Ek deel ‘n video van een van die liedjies op die album hieronder met julle, maar vir ‘n groter proeseltjie kan jy HIER gaan luister.
Hierdie is ‘n advertensiepost, maar dis ook deel van ons missie om ons mense in ons eie taal aan die vry te kry. 😉
Hierdie artikel het HIER verskyn. Ek plak vir die van julle wat nie daar kan inkom nie die teks hier onder.
deur Marida Fitzpatrick
Oor eeue en dekades heen het dit meestal in die donker en in die geheim gebeur, omhul in skaamte en skande: Seks buite ’n romantiese verhouding, seks sonder bande of beloftes, sonder toewyding.
Nou kruip dié soort seks onder die kombers van stigma uit. Sogenaamde slenterseks (casual sex) word al hoe meer sosiaal aanvaarbaar, meer hoofstroom en minder taboe, sê die bekende seksuoloog, dr. Marlene Wasserman, beter bekend as Dr. Eve.
“Slenterseks is ’n sambreelterm wat enige seksuele interaksie beskryf wat sonder enige vorm van toewyding of verwagtings van ’n verhouding gebeur. Dís wat dit van ’n romantiese verhouding onderskei.” Dus, enige los gelukkie of, soos dit in Engels beskryf word: Hook-ups, flings, one-night stands.
Dr. Elmari Mulder-Craig, ook ’n seksuoloog, stem saam dat slenterseks meer hoofstroom en aanvaarbaar geword het, “veral onder jong mense en pas geskeides”. “Die Suid-Afrikaanse samelewing het die laaste paar jaar drasties verander,” sê Mulder-Craig. “Baie oper, gerig op individuele en algemene menseregte. Die invloed van godsdiens en die kerk is ook baie minder.” Dié neiging is stadiger onder Afrikaners as in die res van die Weste, volgens haar. “Ons dra steeds swaar aan ons Calvinistiese wortels. Christelik-nasionale waardes, met die fokus op monogame, heteroseksuele verhoudings as die norm, gemarineer in skuld en skaamte, hou ons steeds tot ’n groot mate gevange.”
Maar selfs Afrikaners is, soos die res van die Weste, besig om uit die dwangbaadjie van seksuele skuld en selfbewustheid te breek. Wasserman sê dit is oral duidelik. “Ons sien dit in die flieks, in TV-reekse en in lektuur dat dit (slenterseks) ’n aanvaarde vorm van seksuele gedrag geword het. Dit het begin in die 1960’s met die koms van die voorbehoedpil, is aangevuur met die feministiese revolusie in die 1970’s en het verder gegroei op veral Amerikaanse kampusse met ’n toenemende kultuur van ‘hook-ups’ (wanneer mense eenmalig bymekaar kom net vir seks). Sosiale media maak dit ook baie maklik en toeganklik. Mense het nog altyd slenterseks gehad, maar in die geheim. Nou word dit aanvaar as deel van hoe ons met mekaar omgaan. Geen skaamte, geen stigma nie. Dis baie bevrydend vir veral vroue.”
Mulder-Craig sê mans het al jare lank slenterseks sonder dat daar ’n stigma aan hulle kleef terwyl vroue in die verlede as “goedkoop” gebrandmerk is wanneer hulle slenterseks beoefen het. “Maar dit is besig om te verander. Vroue sien hulself nie meer as die slagoffers nie, maar ook as jagters wat seksuele vervulling verdien.” Begeerte en drang In ’n Netwerk24-peiling waaraan 2 788 lesers deelgeneem het, het 40% van mense gesê hulle beoefen slenterseks. “As seks net van liefde afhanklik was, sou baie min mense seks gehad het,” was Daan du Plessis, ’n leser, se kommentaar. Nog ’n leser, Bert Visser, het geskryf: “Ons is grootmense en seks is lekker, ongeag of dit net seks is en of dit liefdevolle seks is.”
Die idee dat seks net in ’n romantiese, eksklusiewe verhouding hoort, ontken die realiteit, sê Annelise Erasmus, skrywer van erotiese boeke en verhale. “Die realiteit is dat seks soms niks met romanse of selfs liefde te doen het nie, maar alles met begeerte en drang. Seks sonder emosionele bande vind elke dag plaas. Om te vra of dit ’n plek het, is so ’n bietjie soos om te vra of eet ’n plek het. Mense leer waar seks ‘hoort’. Ongelukkig veroorsaak daardie aangeleerde idees soms baie hartseer juis omdat dit tot onrealistiese verwagtinge lei.”
Louise Ferreira, joernalis en feminis, stem saam: “Die sielkundige skade wat sulke idees aanrig, is myns insiens veel groter as die moontlike gevolge van die gedrag self; ek het dit al met meer as een vriendin sien gebeur. Ons moet ophou voorgee dat dit (slenterseks) onnatuurlik is. Seks is een van die mens se basiese behoeftes nes kos, water, slaap en asemhaal. Almal het die reg om met hul eie liggame te maak wat hulle wil, en dit is nie ’n weerspieëling van hul karakter nie. Ons moet wegbeweeg van die idee dat sekere seksuele gedrag verkeerd is. Die enigste verkeerde seks is met iemand wat onwillig of minderjarig is en dit is onwettig.”
Azille Coetzee (29), ’n filosofiestudent wat besig is met haar doktorsgraad in Amsterdam, Nederland, sê Suid-Afrikaners en spesifiek Afrikaners se konserwatiewe idees oor seks lyk belaglik in Europa. “Daardie idee dat ’n mens, en spesifiek ’n vrou, iets ‘verloor’ of ‘weggee’ wanneer sy seks het en daarom moet wag vir iemand spesiaal, verkieslik haar trouman. Anders, is die boodskap, gooi jy jouself net weg. Dit is nonsens! Wat gee ek weg?” Volgens Coetzee word dié waardes in Suid-Afrika aangebied as universele waardes en waarhede terwyl dit eintlik net Christen-waardes is. “Dit is so verfrissend hier in Nederland hoe Christen-waardes nie as universele waardes aangebied word nie. Noudat ek afstand het van Suid-Afrika, sien ek hoe alles wat ek van seks geleer het uit ’n patriargale, Christelike raamwerk kom, terwyl ek al vir jare ’n feminis en ’n ateïs is.” Selfs al glo sy lankal nie meer in die seksuele waardes waarmee sy as Afrikaner-meisie in Suid-Afrika grootgeword het nie, worstel sy steeds om die Calvinistiese skuldgevoelens af te skud. “Ek is kwaad en resentful daaroor en moet nou baie hard werk om daarvan ontslae te raak.”
Nuwe reëls, eie reëls Netwerk24 het met tien mense gepraat wat slenterseks beoefen om te hoor of dit inderdaad meer hoofstroom raak. Gideon Nel (28), wat in die hotelwese in Johannesburg werk, sê sy generasie (Generasie Y), het hul eie reëls gemaak sover dit seks aangaan, “al is ons grootgemaak met die idee dat seks iets heiligs is wat slegs in die huwelik hoort. Ideaal gesproke hoort seks in ’n toegewyde verhouding, maar ’n paar one-night stands en slenterseks is nie die einde van die wêreld nie. Solank jy en die persoon met wie jy seks het, albei weet waar julle met mekaar staan.” Hy meen ook dis belangrik om uit te vind of jy en iemand anders seksueel verenigbaar (compatible) is voordat jy belê in ’n langtermynverhouding met die persoon. “Anders eindig jy dalk in ’n huwelik met iemand met wie jy nie seksueel kan connect nie. Dit kan probleme veroorsaak in ander aspekte van die verhouding.” Nes jy dus moet uitvind of jy met iemand kliek, of julle gedeelde belangstellings het, of julle dieselfde sin vir humor het voordat julle ernstig raak, is dit volgens Nel ook belangrik om vas te stel of die seks tussen julle bevredigend is. In sy vriendekring word niemand veroordeel wanneer hulle slenterseks beoefen nie, sê hy, al het hulle verskillende menings en waardes oor seks. “Dis ’n algemene ding om oor seks te gesels onder ons vriende.” Hy het self slenterseks (in die vorm van eenmalige seks met vreemdelinge of sogenaamde “vriende met voordele”), maar deesdae aansienlik minder as toe hy jonger was, sê hy. “Dis iets wat ek al menige male in my lewe gedoen het, maar dis asof ek nou ’n punt bereik het, seker omdat ek begin ouer word, wat ek nie net meer net sommer met enigiemand wil seks hê net om my drange te vervul nie, maar eerder sal uithou vir iets wat meer beteken as net een aand van passie en plesier.” Die voordele van slenterseks is dat jy geen beloftes hoef te maak nie en daar geen verwagtinge van jou is nie, sê Nel, maar daar is ook nadele. “Casual seks en one-night stands laat ’n mens soms met ’n groter leemte as wat dit vul, om nie eers te praat van die gevare van siektes en swangerskappe nie. Dit gebeur ook soms dat dit vir die een party net seks is, maar vir die ander party meer as dit. So iets eindig dan gewoonlik in ’n emosionele gemors.” “Relatiewe koek”
Dit is presies wat met Theresa* (30) gebeur het. “Ek het die liefde van my lewe ontmoet, maar hy het dit van die begin af duidelik gemaak dat hy niks meer as vriende wou wees nie. Ons het begin saam slaap en ek het aanhou by hom slaap in die hoop dat hy gevoelens vir my sou ontwikkel. Hy het nie. ’n Jaar later het ek uit die ‘verhouding’ gestap, gebroke en verpletter.” Vir hom was dit net slenterseks, vriende met voordele, maar vir Theresa was dit baie meer. Sy hét egter ook al eenmalige seks met vreemdelinge gehad waar sy nie gevoelens ontwikkel het nie. “Dit het die eerste keer gebeur toe ek 28 was.” Sy was op ’n partytjie waar sy te veel gedrink het en het op ’n bed langs ’n man beland. “Ons het daardie aand net vlugtig ontmoet, ek het nie eens sy naam geken nie, maar voor ek my oë kon uitvee, het ons seks gehad. Ek het my nie teëgesit nie en dit geniet. Ons het nie kontaknommers uitgeruil of enigiets nie.” Daarna het sy baie skuldig en onverantwoordelik gevoel, veral omdat dit nie veilig seks was nie. “Maar dit het die ys gebreek. Ek het besef ’n mens kan (soms) seks hê sonder om emosie daaraan te koppel. Kort hierna het ek seks gehad met ’n ou wat ek bloot aantreklik gevind het en hy vir my, ’n sogenaamde one-night stand.” In totaal het Theresa al sewe seksmaats gehad, van wie vier mans was met wie sy nie in ’n verhouding was nie. “Maar as jy my vergelyk met ander vroue van my ouderdom, is ek maar ’n relatiewe koek”.
Net pret Vicky (26), wat in die mediabedryf in Johannesburg werk, sê seks moenie altyd so ernstig opgeneem word nie. “Dis pret, dis ’n lekker manier om van stres ontslae te raak. Soms soek ’n mens nie ’n verhouding nie, maar ’n mens wil steeds seksueel verkeer.” Sy erken egter dat sy in dié stadium van haar lewe eerder op soek is na seks binne ’n verhouding, “nie meer net one-night stands nie”. Die meeste van die tien mense wat met Netwerk24 gepraat het, stem saam, hoewel hulle almal nogtans slenterseks beoefen. “Seks is iets prakties,” sê Vicky, “ ’n natuurlike menslike drang, maar persoonlik verkies ek dit in ’n commited verhouding, omdat die emosionele impak daarvan my beïnvloed. Die beste seks gebeur ook wanneer jy iemand se behoeftes verstaan.”
Ronel* (55) sê sy het altyd gedink slenterseks is problematies vir veral vroue, “juis oor die emosies betrokke. Maar ek glo dit nie meer nie. Vir my is fisieke aangetrokkenheid en die regte omgewing of atmosfeer genoeg. As ek so na sommige vriendinne in hul 40’s luister, klink dit vir my daar is nie te veel van ’n gewroeg oor die sake nie. Soos die Prediker tereg sê: Gaan heen en hê pret!” * Skuilnaam **
Lees die volgende artikel in dié reeks oor hoekom slenterseks nie so eenvoudig is nie, die chemiese en biologiese redes hoekom mense romantiese verhoudings bo one-night stands verkies en hoe die mens se waardes oor seksualiteit oor al die eeue en millennia verander het. Dr. Elmari Mulder-Craig, seksuoloog, gee wenke oor hoe jy jouself fisiek en emosioneel moet beskerm wanneer jy slenterseks beoefen: ■ Stel die grense duidelik en wees eerlik met jouself. Jy kan nie sê dit is slenterseks en later meer verwag nie. Slenterseks gaan oor seks en die genot daarvan, nie oor emosionele konneksie en ’n verhouding nie. ■ As jy besluit slenterseks is vir jou, maak seker hoekom jy so dink. Dan hoef jy nie na die tyd skuldig te voel nie. Dit moet twee volwassenes wees wat ’n ingeligte keuse maak sonder enige manipulasie. ■ Praat met die ander party. Sorg dat albei weet dit is slenterseks. ■ Emosioneel is dit waarskynlik beter om nie gereeld slenterseks met dieselfde persoon te hê nie, aangesien emosionele bande dan vorm. ■ Maak seker dat jy die ander persoon se MIV-status ken. Jy kan vra vir die resultaat van ’n onlangse bloedtoets. ■ Beoefen áltyd veilige seks. Gebruik altyd ’n kondoom, ook tydens orale seks. As jy ’n man is en orale seks met ’n vrou het, gebruik altyd ’n “dental dam” en maak seker jy weet hoe om dit te gebruik. Dit is by organisasies soos OUT beskikbaar. ■ Laat jou gereeld toets vir seksueel-oordraagbare infeksies, selfs al beoefen jy veilige seks. ■ Maak seker iemand na aan jou weet jy waar jy is en kan jou kontak. Sorg dat jou selfoon gelaai is en jy dit kan gebruik.
Vir almal van julle wat nie die Rapport gesien het nie, Kombiekiehier die nuus gehaal.
Hier is die link na die oorspronklike artikel. 🙂
Vir almal wat nie daar kan inkom nie, deel ek die onderhoud hier
‘n Jonglatkat wat van mosbolletjies hou – deur Jaco Nel
Noem dit maar haar bydrae tot die Afrikaanse taal.
So sê Annelise Erasmus oor Kombiekiehier.co.za, die erotiese webwerf wat sy in 2014 begin het.
“Ek sien dit as ’n bydrae tot taalbou. ’n Mens hoef nou nie ’n standbeeld vir seksstories op te rig nie, maar ek voel dit is hoe ek my deel vir Afrikaans doen.”
Annelise is ’n gesoute skrywer van hygliteratuur met drie boeke op haar kerfstok. Maar sy moes al baie verduur sedert sy met dié stokperdjie begin het.
“Wie is sy nou eintlik? Sy is maar net nog ’n seksbehepte huisvrou,” het ’n hater van haar erotiese skryfwerk op ’n aanlyn groep geskryf.
Daarom werk dié gesinsvrou van Garsfontein, Pretoria, deesdae kliphard aan ’n meestersgraad in filosofie.
Die tema? Seksualiteit.
Die kuiltjies langs haar mondhoeke duik behoorlik in wanneer sy glimlaggend begin gesels oor haar verhandeling.
“Ek werk hard aan filosofiese grondslae, want ek wil baie graag hê hygliteratuur moet ernstig opgeneem word,” sê sy.
“Jy weet, porn is in the eye of the beholder. Mense gaan natuurlik dink dít is wat jy doen, maar eintlik stel ek glad nie daarin belang nie. Dit is te eksplisiet.”
Annelise het al drie erotiese boeke geskryf: Maanvrug, Weerloos en Slavin.
Daarna het sy gereeld vir LitNet se hygafdeling, LêNet, begin bydraes lewer. Die skrywer Etienne van Heerden, hoof van LitNet, het intussen aan Rapport bevestig dié afdeling is intussen “geskrap” van die literatuurwebwerf.
Soveel meer rede vir Annelise om haar eie webwerf na nuwe hoogtes te neem. Seks is vir haar ’n genre.
“Mense is te bang om seks te skryf,” sê sy.
“Wanneer hulle dit doen, weet hulle nie altyd watter woorde om te gebruik nie.”
Daar is heelwat stoute en vermaaklike “nuwe woorde” vir seksterme wat haar lesers op dié werf uitdink.
Soos mosbolletjies vir boude, ’n jonglatkat vir cougar, ’n snakstringetjie vir ’n g-string en oepwoeps as jy oor die tou trap.
“Jy weet, allerhande lusmakertjies,” lag Annelise.
“Nie te rof nie. Dit gaan oor normale mense, natuurlike skoonheid en die behoeftes wat dié mense het.”
Kombiekiehier.co.za spog vandag met ’n totaal van meer as 2,5 miljoen kyke.
Annelise maak nog nie geld uit haar webwerf nie, maar daar is reeds tussen 3 500 en 4 500 lesers wat dit per dag besoek.
Daar was tussen 80 000 en 100 000 kyke per maand in die afgelope ses maande.
Net in Augustus het meer as 254 820 mense haar werf bestorm.
Annelise het ’n empatiese artikel geskryf oor Margaret van Wyk, die vrou van Schweizer-Reneke wie se naakfoto per ongeluk in sosiale media versprei is.
“Ek het nie eens besef soveel mense het dit gelees nie,” sê Annelise. “Toe ek weer sien, toe stort my hele webwerf ineen.
“Ek voel baie jammer vir Margaret. Ek weet hoe dit voel, want ek het al eenkeer per ongeluk ’n foto van my boobs aan die verkeerde persoon gestuur.”
Benewens harde pornografie, is daar nog iets wat Annelise nié sal publiseer nie?
“Twee goed,” sê sy. “Gedigte, want dit kan soms baie swak wees. En vuil grappe, want dit maak mense nie lus genoeg nie.”
As ‘n Afrikaanse webwerf staan ons ook ‘n oomblik stil vir Andre P. Brink. Hy was nie bekend as ‘n erotiese skrywer nie, maar tog – dis deel van die lewe – hoe vermy ‘n mens dit?
Hierdie stuk kom uit Duiwelskloof uit:
Ek onthou nog ek het die kers uitgeblaas, maar daarna was ek weg voor. In my slaap het ‘n vrou na my toe gekom. Sy het eenvoudig die karos van my afgetrek en begin doening raak met die soort oervaardigheid en die skoon, totale wellus waarvan ‘n man net droom. Teen die tyd dat ek van haar begin bewus raak het, was sy al op volle toere. sy was kaalgat, en sy was oral, teen my, om my, op my, onder my, oor my. Dit was asof ek in ‘n fokken storm beland het, hoog bokant die aarde, tussen massas swaar wolke waar die bliksems deur rank en waar rukwinde en natuurmagter my rondgooi en omtol en dubbel vou, my die een oomblik in ‘n lugleegte laat aftuimel en dan weet die hoogtes uitsmyt. Onbebleddieskryflik. Dit was te donker om enige besonderhede uit te maak – behalwe af en toe, deur die gewoel en gewriemel, die silhoeët van’n kop of ‘n skouer of ‘n bors teen die reghoek van die venster. En dit alles sonder om ‘n woord te praat. Daar was net ons swaar asemhaling en diep steungeluide en uiteindelik die hoë skree van haar orgasme. Toe eers het sy vir ‘n paar oomblikke stil en nat en hygende teen my bly lê.
Andre P. Brink is 2004 vir die Bad Sex Fiction prys genomineer. Dit was vir hierdie toneel uit Before I forget (Voor ek vergeet in Afrikaans):
“. . . the most tousled, tangled pubic patch through which I have ever had to find my way. A near impenetrable little forest, a small private Amazon to get lost in. But when one finally got down to the river, slipping and sliding through reeds and weeds and rushes and undergrowth, one could slither through the mud and dive in, wholly immerse oneself, stay down for an impossibly long time, nearly drowning, before coming up again, panting and heaving . . .” (bl. 140);
“ . . . her tides were convulsive, an ebb and flow that could take you very far, far back, before hurling you out, wildly and triumphantly, on a ribbed and windswept beach without end . . .” (bl. 202-3).
“. . . . I would plunge into her from above like a diver in search of abalone . . .” (bl. 171-2)
Dink hoe baie toekennings hulle in die verband vir kombiekiehier sou kon gee. 😉
Yvonne van den Bergh is beeldskoon.
Sy is ook super intelligent, oopkop en aangenaam. Wanneer sy nie ‘n aktrise of TV-aanbieder is nie, hou sy soms ook daarvan om BDSM te beoefen.
In ‘n perfekte samelewing soos die een wat kombiekiehier oor fantaseer, sal bogenoemde sinnetjie geen meer waarde dra as dat sy ook daarva hou om koekies te bak wanneer sy ekstra tyd het nie. Maar in Suid-Afrika gee daardie sinnetjie die samelewing “toestemming” om karaktermoord te pleeg.
Maandagaand het Yvonne hierdie verklaring op haar Facebook muur geplaas:
Hi almal. Hierdie wat ek julle nou gaan vertel, het eintlik niks met enigiemand te doen nie, maar Rapport dink ongelukkig nie so nie en wil dit Sondag publiseer. ‘n Online stalker, ‘n cyber boelie, het BDSM fotos van my vir hulle gestuur. Ek weet ‘n koerant sal dit net probeer sensasionaliseer, so ek vertel dan eerder vir almal wat my tweede beroep en groot liefde is, al het dit niks met enigiemand te doen nie.
Here goes: Ek is ‘n BDSM Dominatrix. BDSM het effens meer mainstream geword met die publikasie van die bekende ’50 Shades of Grey’ boeke. Daar is wel baie verskillende tipes BDSM, en 50 Shades is meer oor Dominance/ Submission, en dit is sensuele BDSM. Dit is glad nie die tipe BDSM wat ek beoefen nie. Dit is nie vir my seksueel nie en ek doen geen seksuele aktiwiteite in die Strafkamer nie. Ek is altyd ten volle geklee, maar die mans en vrouens wie ek straf is uiteraard altyd naak. Ek hou van die CFNM (Clothed Females Naked Men) fetisj, en beoefen my BDSM so wat klere betref.
Ek doen CP, wat staan vir Corporal Punishment/ Lyfstraf. Ek spesialiseer in judicial caning, wat losweg vertaal as uiters harde rottangslaan. Dis wel nie al wat ek doen nie. Ek gebruik baie verskillende tipes implemente, bv swepe, Skotse tawse, paddles, sambokke ens. Ek hou ook van rolspel, bv. Skooljuffrou rolspel, polisievrou rolspel, militere rolspel ens. Ek het verskeie permanente subbies en slawe (submissives/ onderdaniges), wie ek weekliks straf, en ook verskeie speelmaats wat ek straf. Ek doen dit beide vir plesier en professioneel. My volgende status sal fotos bevat, asook skakels na my BDSM social network profiel en my Spankingtube profiel.
My liefling man ondersteun my totaal en al en weet uiteraard van dit als. Hy stel geensins self in lyfstraf belang nie en ek beoefen die kuns nie op hom nie. My kinders weet, my fantastiese ouers weet, my vriende weet almal en nou weet julle ook.
BDSM is nie sleg nie. Dit het ook niks met geweld te doen nie. As iemand ‘n neiging het daartoe, is dit net goed vir die persoon, hetsy sadis, masochis, Dominant of onderdanige (submissive). Ek het die neiging al van kleintyd af, maar het dit vir baie lank onderdruk uit vrees vir ander mense se vooroordele.
As enigiemand wil, share hierdie status gerus. Ek sal eerder dat almal daarvan hoor uit my eie mond as uit ‘n joernalis s’n. Moet nie na my profile gaan kyk as jy bevooroordeeld/ sensitief is nie. Ek doen nie sagte of sensuele BDSM nie. Ek is ‘n harde Meesteres, en die fotos sal nie verstaan word as jy ly aan die vooroordeel siekte nie. Indien jy gaan kyk na my fotos, onthou dat dit vir die masochis net so lekker is as vir die sadis.
Ek sal alle vrae op hierdie status beantwoord, so as jy nog altyd iets wou weet rondom BDSM, hierdie is jou kans. Ek is uiters ingelig oor die onderwerp, aangesien dit ‘n groot passie is van my. Enige veroordelende persone sal ge-unfriend en geblok word.
Ek is ook baie lief daarvoor om BDSM clips te maak, my man verfilm en edit dit vir my. Dit is geredelik beskikbaar op die internet, maar net vriende op BDSM sites kan dit sien. Ek aanvaar nie vriende op die sites nie, tensy ek kan sien hulle is regtig ook into BDSM en hulle profiel is ten minste ‘n jaar al oop. My fotos is wel te siene vir al wat leef en beef.
Die mense met wie ek speel en my BDSM vriende se identiteite sal anoniem bly.
Uiteraard speel ek net met mense wat volwasse is, 18+.
Yvonne het nie die verklaring gemaak omdat sy publisiteit gesoek het nie. Sy het dit gedoen omdat sy na maande in ‘n hoek gedryf is deur ‘n stalker. Die uiteinde van die hele verhaal was dat ‘n joernalis oor haar “bedrywighede” ingelig is en dat hulle dit wou publiseer.
kombiekiehier verstaan dat joernaliste nie stories kan ignoreer nie. Ons verstaan dat hulle dikwels nie ‘n keuse gegee word oor waaroor hulle skryf en hoe nie – dit kom van bo af waar geld (vir oorlewing?) klaarblyklik al oorweging is wat praat. Ons voel net dat daar meer as een manier is om iets te doen en hoe die nuus op die einde tog in die media verskyn het, laat veel te wense oor.
Hier is die “berig” wat gisteraand verskyn het.
Hiervolgens lyk dit asof Yvonne self besluit het om uit te kom – oneerlike beriggewing much? (Lees bietjie die kommentare onderaan – dis waarom mense se private sake privaat moet en mag bly.)
Die feit dat die gepeupel duisende klieks op sulke berigte maak of meer koerante met sulke opskrifte koop, maak dit nie reg dat daar daaroor berig word nie. En as daardie berig tog geskryf moet word, is dit regtig nie moontlik om dit op ‘n minder sensasionele en meer eerlike manier te doen nie?
Die media hou nie net ‘n spieël op sodat society hulself daarin kan sien nie. (En wie gee in elk geval vir iemand die reg om ‘n spieël in iemand se slaapkamer te gaan opsit?) Om so te dink is naief en ontken ook op ‘n manier die media se ongelooflike mag. Daardie spieël wat joernaliste vashou word getilt sodat dit die storie op ‘n spesifieke manier reflekteer. Dit beteken ‘n joernalis het die mag om lesers se persepsies te kan beinvloed, lesers op te voed, die samelewing woord vir woord te verander. Dit het al voorheen gebeur. Met so baie werk om te doen, waarom word die lui en oneerlike en middelmatige opsie telkens gekies? Sulke beriggewing hoort mos in ‘n poniekoerant? Of is daar nie meer iets soos nie-ponie in Afrikaans nie?
kombiekiehier betreur die wyse waarop hierdie hele saak hanteer is. Daar is iets soos ‘n private sfeer en ‘n publieke sfeer en koerante hoort in die een en nie in die ander nie. Op die minste kan seker verwag word dat iemand se private sfeer met respek betreë word, maar dis gewoonlik presies die teenoorgestelde wat gebeur. Want seks = want sies vir so baie mense.
BDSM is soveel meer as net seks. Dis ‘n leefstyl waarin respek vir jou speelmaat, eerlikheid en mutual consent juis beklemtoon word. Dit is ironies genoeg soveel meer as wat die meeste mense wat gulsig lees en gulsig oordeel ooit in hulle eie slaapkamers beleef. Hier is ‘n link na ‘n onderhoud daaroor vir enigiemand wat oopkop is en belangstel om meer te weet.
Kom ons haal die “sies” uit seks uit. Uit alle vorme daarvan.
Dit is geen geheim dat kombiekiehier se mense van tieties hou nie. Sommer alle variasies daarvan in mooi. Daarom deel ons graag hierdie video vanaand met julle. Bosom pride se dames is dapper en mooi en amazing. 🙂
Die kondoomvervaardigers Sustain het ‘n advertensieveldtog geloods wat hulle “Protect your environment” noem. Hulle sê ons moet net soveel vir ons liggame en seksuele gesondheid omgee as wat ons vir die omgewing doen.
Hier is so paar van die foto’s wat hulle vir die veldtog geneem het. 🙂
Lente is mos die tyd van die jaar wanneer LUS in hoofletters gespel moet word. Dit is die tyd wanneer hormone met jou weghardloop, allerhande avonture uitgeleef word en niks regtig so ontoelaatbaar lyk nie. Lente se ander naam is versoeking en as jy dit wil weerstaan moet jy liewer nie Sexpo 2014 bywoon nie.
Want by Sexpo gaan jou lus oorloop.
Sexpo vind die naweek van 25 tot 28 September 2014 by die Gallagher Estate in Midrand plaas en belowe om vogtig-makende vermaak uit die boonste rake te verskaf. Wulpse sterre van die volwasse film bedryf wat te sien sal wees is Jada Stevens, Jesse Jane, Tanya Tate, Bonnie Rotten en Vicki Chase. Die dames sal oor Prince Yahshua se spiere kan drool.
Dansgroepe soos The Lala’s, gechoreografeer deur Erin Lamont , die Titans (nie die krieket-variasie nie) en X! gaan almal warm dans, terwyl Pricasso weer met sy penis skilderye gaan OPtower. By Sexpo sal jy by Durex kan leer hoe om gesond seksueel te wees en kinky plesiere in die Kinx Fetish sitkamer uittoets. Inkopies is sommige mense se grootste plesier en alles van volwasse speelgoed tot sexy onderklere sal by Sexpo te koop wees.
Teazers gaan, vir die eerste keer ooit, hulle Teaze without the Sleaze na Sexpo toe bring en die vroue sal by Pulse Boys en TeazeHers hulself op kan werk 😉 Was jy nog altyd nuuskierig oor die Swinger-scene? Gaan gesels met die mense by Pharaohs of loer by die Voyeurs se sitkamer in.
Daar is die spreekwoordelike iets vir almal by Sexpo 2014. So hou daardie datums oop en kom word lus. Miskien sien jy nog vir kombiekiehier ook daar …
Gaan kyk gerus hier vir meer inligting.
‘n Onlangse studie deur Pharma Dynamics, wat spesialiseer in mans se seksuele gesondheid, toon dat Suid-Afrika se mans omtrent net helfte soveel seks as hulle manlike eweknieë in ander lande het. Die studie het verder bevind dat 22 persent mans minder as drie keer ‘n maand liefde maak en ‘n verdere 16 persent hulself in sekslose verhoudings bevind. Meer as 500 mans tussen die ouderdom van 18 en 55 het aan die studie deelgeneem. Mariska van Aswegen, woorvoerder van Pharma Dynamics, sê dat mans, ten spyte van wat geglo word, nie altyd lus is vir seks nie. Bekommernisse oor die ekonomie en werk beinvloed hulle seksualiteit. Sy sê dat ‘n man se onderbewussyn sy seksuele begeertes onderdruk om hom teen negatiewe emosies te beskerm. Dit is hoe angs en vrese dan in ‘n seksuele situasie manifesteer.
Sosiale media dra ook tot die afname in seksuele aktiwiteit by. Selfone en skootrekenaars gaan saam bed toe waar werk en ander persone die aandag kry wat jou maat behoort te kry. Vier-en-dertig persent van die respondente het hierdie as een van die redes verskaf waarom hulle nie lus is vir seks nie.
Kombiekiehier betreur ons mans se lus-afname en hoop dat hierdie website saam sal gaan bed toe … gelees sal word … lus sal maak … en dan eenkant neergesit sal word sodat real-life kan oorneem. 🙂