Hoe lank gaan ek lees: 3 minute

Deur Desiree

Ek was in Matriek en op ‘n toer saam met die skool. Die algemene verskoning vir die toer was akademie – ek dink ons het twee fabrieke in PE besoek – maar eintlik was dit als net ‘n groot jol. Dit was die Julie-wintersvakansie en baie koud. Ek het nog in Queenstown vir myself rugbykouse gekoop wat ek in die nag kon dra sodat my tone nie vries nie. Ek het hulle nog steeds.

Ek het met ‘n swaar hart op die toer, waarna ek maande lank uitgesien het, gegaan omdat ek my boyfriend van twee weke by die huis agtergelaat moes laat. Ek was baie verlief en vasberade om getrou aan hom te bly.

Maar dit het nie vir Ruben afgesit nie. Ruben was ‘n skaam “tegniese” ou (ons skool het ‘n tegniese en algemene deel gehad) wat onhandig en onkundig was met die meisies, maar hy het ‘n vriend gehad wat namens hom die praatwerk gedoen het. En hierdie vriend het my baie gou laat verstaan dat Ruben verlief is op my.

Maar ek het ‘n boyfriend by die huis gehad. Toe besluit Ruben om my vriend te word. Ons het langs mekaar in die bus gesit en saam geloop deur die fabrieke. Ons het songs gedeel en grappe gemaak en oor die ander se romanses om ons geskinder.

Tot in Port Elizabeth.

Dit was ‘n kouerige Saterdagmiddag en die Matrieks het afgeloop strand toe terwyl die onnies gelê en slaap het. Ek onthou kaal voete en opgerolde jeans. Daar was ‘n groot rugbygame tussen die meisies en die seuns wat eintlik net verskoning vir vat was. En die hele storie het geeindig met my wat in die koue wintersgolwe gegooi is.

Toe word ek siek.

Die volgende dag het die bus ver gery. Tot in Oudtshoorn, maar met die Stormsrivierpas af en op en verder teen ‘n slakkepas. Ek het ellendig gevoel en het amper die hele pad met my kop op my vriend se skoot geslaap. Warm, koorsig, toegemaak onder ‘n kombers. Ek kan nie baie detail van die oggend onthou nie behalwe dat die bus gekronkel het en dat Ruben nie vir ‘n oomblik onder my uitgeskuif het nie. Soms was sy vingers in my hare, maar daai kon dalk net koorsdrome gewees het.

Dit was laatmiddag en al sterk skemer toe ek so half uit ‘n slaap wakker geword het. Ek het op my sy gelê, weggedraai van hom af. En sy hand was op my vel.

Sy hand was net-net onder my hemp se soom in. Ek onthou dit was koel teen my warm vel en ek het van die sensasie gehou. Ek het my oë toegehou en net gevoel. Na ‘n rukkie het hy sy hand stadig voor my lyf om begin gly – oor my maag. Dit het vreeslik stadig beweeg. Soms vir rukkies gestop. Tussendeur het hy elke nou en dan iets vir sy vriende gesê. Op, op het hy sy hand beweeg onder my hemp. Koel op warm. Ek moes nou konsentreer om my asemhaling normaal te hou. Nog op, baie stadig. Tot sy vingerpunte uiteindelik die kant van my bra bereik het.

Ek kon nou voel hoe sy hand teen my bewe. Net effens. So asof hy konsentreer om nie te hard aan my te raak sodat ek wakker word nie. Ek wou hê hy moes verder voel. Sy vingers het lank daar getalm voor dit uiteindelik baie versigtig en saggies onder my bra ingeglip het.

Kan koel teen warm skroei? Ek onthou vandag nog hoe dit gevoel het toe sy bewende vingerpunte uiteindelik my tepel bereik het. So saggies dat ek dit skaars kon voel, maar ek kon.

Ek kon nou sy asemhaling hoor. Hy het nie meer met iemand gepraat nie. Hy het liggies oor my tepel gestreel. Dan om dit. Dan weer terug na die puntjie. Ek wou nie hê die rit moet ooit ophou nie. En ek wou hê hy moes harder vat – sy hand oor my bors vou, sonder om so versigtig te wees.

Toe help ek hom  – in my kamstige slaap – deur my bors in sy hand in te draai en myself stywer teen sy lyf aan te druk. Ek kon grof op die palm van sy hand voel. Effens skurwe seunshand op my sag. Hy het dit oor my bors gevou, bietjie gedruk. Ek weet tot vandag nie of hy geweet het ek is wakker nie. Hy het totdat ons gestop het met my bors gespeel. Later die ander ene ook opgesoek. Ek onthou dat ek jammer was toe die ligte aangegaan het en hy sy hand stadig onder my bra en hemp uitgetrek het. En ek onthou ek het toe ons tot stilstand gekom het stadig “wakker geword.”

Vandag nog, was daardie een van die mees erotiese ervarings van my lewe.