Gemeenskap

Julle is te vinnig vir my! 🙂 Nog voor ek dit amptelik aangekondig het het van julle al die link in diemenu hierbo ontdek. Ek sal so bietjie later ‘n ordentlike post oor Gemeenskap kom maak, maar hy is oop. Ek het als getoets wat ek kon met my eie naam en ‘n vals profiel en dit het gisteraand gewerk. Maar ek kan nie sweer dat dit so gaan aanhou sonder goed wat ek sal moet uitsort of beter maak nie.

Die belangrikste wat ek nou wil sê voor ek later nog belangrike goed sê is dat ek dink nie die lidmaatskap is dadelik oop as jy betaal nie. Ek sukkel om dit te toets maar ek dink ek as administrateur moet eers ‘n verstelling aan jou profiel maak voor dit oop gaan vir jou. As jy in my bank inbetaal gaan dit in elk geval eers oop na die geld ontvang is hierdie kant.

Ok hierdie was net ‘n kort boodskap om te sê jy moet my net kans gee. Ek is meeste van die dag voor my rekenaar en dan sal ek dit amper dadelik sien en oopmaak, maar soms moet ek gou kos gaan koop of oefen of sing en soms slaap ek. 😉 Dan doen ek dit sodra ek terug is.

(As ek dit eendag kan toets/regkry dan behoort mense wat met Zapper – ‘n WONDERLIKE APP! – of Payfast betaal dadelik toegang te kry sonder dat ek iets hoef te doen eers.)

Geniet en praat met my asseblief. Julle is of die deelnemers van ‘n failed eksperiment of die heel heel eerste lede van iets amazing. 🙂

Lus en liefde

Annelise