deur Uther Pendragon Poulton was ‘n Britse kunstenaar wie se illustrasies in tydskrifte en mediese joernale verskyn het. Hy was ‘n gerespekteerde lid van die samelewing en was met die later bekende luitspeler Diana Kibblewhite in 1923 getroud. Diana en Tom het in ‘n klein 17de eeuse huisie in Heyschott, West Sussex gebly waar hulle tuin gemaak het, bokke aangehou het en kaas gemaak het. Hulle het twee dogters gehad. Hulle het saam musiek gemaak en Tom, wat ‘n goeie kitaarspeler was, het haar aangemoedig om met haar belangstelling in Renaissance musiek en haar liefde vir die luit aan te gaan. Diana het groot beroemdheid vir haar luitspelery verwerf en was as een van die voorste luitspelers in die wêreld bekend. Hul oudste dogter het in 1932 weens komplikasies tydens ‘n blindederm-operasie gesterf. Hierdie tragiese gebeurtenis was waarskynlik die rede hoekom die gesin stelselmatig uitmekaar begin val het. Tom het algaande meer belangstelling in ander vrouens getoon terwyl Diana haarself al meer van die gesin onttrek het en haar in haar musiek verdiep het. Dit is nie duidelik wanneer Tom en Diana nie meer saamgebly het nie, maar dit moes iewers in die laat 1930’s of vroeë 1940’s gewees het. Hulle is eers in 1947 geskei. Tom is alleen in 1963 in ‘n woonstel in Camden op die ouderdom van 66 oorlede. Na sy dood was honderde ongepubliseerde erotiese sketse, wat hy in sy kenmerkende styl geteken het, ontdek en sommige daarvan is gepubliseer (Maclean 2000, 2006). Dit het ook aan die lig gekom dat hy erotiese tekeninge vir mense op versoek geteken het. Beecher Moore wat ‘n groot versameling van sy erotiese sketse besit het, het daarvan in 1990 verkoop. Regdeur sy lewe het Tom hierdie aspek van sy lewe geheim gehou want hy was waarskynlik bang vir die publieke reaksie wat sou volg as dit bekend geword het wat, benewens sosiale verwerping, hom finansieël sou geruïneer het as hy nie meer werk kon vind as illustreerder nie. Sommige van die temas wat hy geteken het was destyds (en selfs vandag) erg taboe en hy het die gevaar geloop dat hy gearresteer sou kon word en dat sy tekeninge vernietig sou word. Sy tekeninge is uitmuntend in dié dat danksy sy vaardigheid as anatomie-illustreerder die anatomiese detail van sy illustrasies besonder goed geteken is. Tweedens was hy duidelik deur die taboe-aspekte van seks geprikkel en het hy in groot detail karakters geteken wat benewens vaginale seks ook orale en anale seks het. Sy vroulike karakters masturbeer of vertoon hulself ekshibitionisties aan die kyker en urineer selfs. Hy het lesbiese tonele, dronk seks, orgies en egbreek geïllustreer. Duidelik was sy hoof-belangstelling vrouens want sy mans is dikwels met die minste detail geteken terwyl hy elke anatomiese detail van die vroulike karakters met die grootste sorg geteken het. Die derde aspek wat sy kuns besonders maak is die vreugde en entoesiasme en bandelose passie wat uit sy karakters se gesigte en houdings straal. Ek kan nie help om Tom Poulton jammer te kry nie. Dit is duidelik van sy kunswerke dat hy ‘n baie passievolle man was, met ‘n groot liefde vir vrouens en het duidelik gesmag na uitbundige, vreugevolle, bandelose seks. Maar hy was vasgevang in ‘n kultuur en ‘n tyd wat erg op dit alles gefrons het en dus moes hy eenkant en in geheim sy passie op papier uitdruk. En so jammer as wat ek vir hom as mens is, so bly is ek dat hy hierdie gefrustreerde bandelose passie van hom deur sy kuns met ons kan deel. * * * Jamie Maclean (2000) Tom Poulton: The lost drawings Jamie Maclean (2006) The secret art of an English gentleman: Tom Poulton.